Tërheqja e Britanisë nga Bashkimi Europian mund të bëjë që blloku i mbetur me 27 anëtarë të ketë një gropë buxhetore prej 20 miliardë eurosh në vit, duke e bërë të detyrueshme kërkesën për rritje të taksave. Kështu deklaroi Komisioni Europian, ndërsa Günther Oettinger, komisioneri për buxhetin tha se blloku duhet të jetë i vetëdijshëm për humbjen në buxhet dhe se duhen marrë vendime të të mëdha për shkallën e ambicjeve buxhetore pas marsit 2019.
“Nuk do e kemi më Britaninë midis nesh, por ata kanë qenë kontribues neto, kështu që do të kemi një boshllëk prej 10 deri në 11 miliardë euro në vit”, tha zyrtari gjerman i Komisionit.
Duke e artikuluar më gjerësisht mendimin e tij në një blog, Oettinger shtoi se nevoja për të financuar nisma të reja në fusha si mbrojtja apo siguria duan të thonë se boshllëku buxhetor nga largimi i Britanisë do të jetë dyfish më i madh. /tesheshi.com/
