Organizata Evropiane e Shëndetësisë ka paralajmëruar një procedurë për humbje peshe që mund të kryhet me një çmim të reduktuar në Turqi. Gjashtëdhjetë e shtatë pacientë nga e gjithë Evropa u prekën nga botulizmi pas kësaj procedure.
Pacientët e lartpërmendur kanë marrë injeksione botox në dy klinika të veçanta.
Botulizmi është një gjendje potencialisht kërcënuese për jetën e shkaktuar nga toksinat e prodhuara nga bakteret. Nëse nuk trajtohet menjëherë, botulizmi mund të çojë në paralizë.
Të gjithë pacientët e prekur morën botoks për stomakun, i cili paralizon muskujt e sistemit tretës dhe në këtë mënyrë ngadalëson tretjen e tyre. Klinikat turke ofrojnë shërbimet e tyre me një çmim dukshëm më të ulët se sa kushtojnë në pjesën tjetër të Evropës dhe në Shtetet e Bashkuara të Amerikës.
Të gjitha rastet janë regjistruar midis 22 shkurtit dhe 1 marsit 2023. Botox-i dhe botulizmi e kanë origjinën nga toksinat e prodhuara nga Clostridium botulinum dhe mund të bëhen shumë të rrezikshëm. Kur administrohet nga profesionistë të trajnuar mjekësorë, procedura është zakonisht e sigurt, por administrimi jo i duhur mund të shkaktojë dobësi, vështirësi në frymëmarrje ose gëlltitje.
Faza e fundit e sëmundjes është paraliza e ndjekur nga vdekja, nëse nuk trajtohet. Ndërsa shumica e rasteve të njohura ishin të lehta, disa pacientë u shtruan në spital.
Organizata Evropiane e Shëndetësisë këshillon të gjithë pacientët që i janë nënshtruar procedurave të dobësimit me Botox brenda datave të përmendura më parë të kontaktojnë menjëherë mjekun e tyre, veçanërisht nëse fillojnë të ndjejnë simptoma të botulizmit.
Më shumë raste u regjistruan në Turqinë (53), pasuar nga Gjermania (12) dhe nga një rast në Austri dhe Zvicër.
Qendra Evropiane për Parandalimin dhe Kontrollin e Sëmundjeve tha se nuk është e qartë se çfarë e ka shkaktuar saktësisht botulizmin. Autoritetet turke kanë gjurmuar shumicën e rasteve në dy klinika, me 60 raste të lidhura me një spital privat në Stamboll dhe tre me një spital privat në Izmir.
Klinika u zbulua se përdor Botox të licencuar që nuk është i aprovuar në mënyrë specifike për trajtimin e obezitetit. Që atëherë, të gjitha aktivitetet brenda atyre reparteve spitalore janë pezulluar dhe ka nisur hetimi.
Gjatë procedurës, një endoskop futet në gojën e pacientit për të arritur në stomakun e tij. Botox-i injektohet në murin e stomakut dhe i gjithë procesi zgjat 15 deri në 20 minuta dhe nuk kërkon anestezi të përgjithshme.
Paraliza e muskujve të barkut ngadalëson tretjen, gjë që e bën një person të ndihet i ngopur dhe, teorikisht, ndihmon në humbjen e peshës. Ashtu si procedurat e tjera të Botox-it, rezultatet nuk janë të përhershme, kështu që muskujt e barkut kthehen në normalitet brenda katër deri në gjashtë muaj.
Kujtojmë se dhe presidentja Osmani, pikërisht në Turqi, arriti t’i largohej një shëndeti me prirje obeze. Por nuk ka informacion se ajo vuan nga ndonjë problem prej ndërhyrjes që ka bërë, nga e cila ka rregulluar linjat trupore duke i sjellë një normalitet. /tesheshi.com/
