Presidenti rus, Vladimir Putin, ka bërë një paralajmërim të frikshëm në samitin e mbajtur në Kinë, ku tha se kriza bërthamore e Koresë së Veriut mund të çojë drejt një katastrofe planetare.
Putin e quajti një akt provokativ testimin e fundit bërthamor të shtetit komunist, por shtoi se sanksionet e reja të propozuara ndaj Koresë së Veriut janë të panevojshme dhe joeficente, që mund të përshkallëzojnë tensionet.
“Kjo mund të çojë në një katastrofë planetare me një numër të madh viktimash,” tha Putin. Deklaratat e Presidentit rus vijnë në një kohë kur Ambasadorja e SHBA në OKB deklaroi se Pheniani po lutet për luftë, por edhe durimi ka një kufi.
Në anën tjetër Koreja e Jugut ka nisur një stërvitje ushtarake me anije dhe avionë në përgjigje të testimeve të Phenianit me armët bërthamore. /tesheshi.com/
