Kryeministri i Pakistanit Imran Khan paralajmëroi mundësinë e një masakre të re dhe spastrimit etnik të muslimanëve në Kashmir, siç ndodhi 24 vjet më parë në Srebrenicë, sipas fjalëve të tij.
“A do të vëzhgojë bota në heshtje masakrën dhe spastrimin etnik të muslimanëve në Kashmir ashtu siç bëri me Srebrenicën?”, pyeti Khan në Teitter, duke shtuar: “Unë dua të paralajmëroj bashkësinë ndërkombëtare që nëse lejohet të ndodhë, ajo do të ketë pasoja të rënda dhe do të shkaktojë reagime në botën muslimane që mund të sjellë radikalizëm dhe cikël dhune.”
Reagimi vjen pas vendimit më të fundit të Indisë, që është ndryshimi i një ligj që shfuqizon nenin 370 të Kushtetutës Indiane, i cili rregullonte statusin e veçantë të rajoneve Jammu dhe Kashmir.
Kriza e Kashmirit daton që nga viti 1947, vit kur Britania e Madhe e la krahinën e paadresuar me statusin e rajonit.
Muslimanët përbëjnë 90 përqind të popullsisë në Kashmir, të cilët, pas tërheqjes së Britanisë kërkuan që rajoni të aneksohej në Pakistan, por që u aneksua nga India.
Kështu Pakistani dhe India hynë në luftën e parë për Kashmirin në vitin 1947. Për të njëjtën arsye, të dy vendet luftuan përsëri në vitet 1965 dhe 1999.
India kontrollon rreth 45 përqind të Kashmirit, Pakistani rreth 35 përqind dhe Kinë 20 përqind.
Pjesa indiane u quajt Jammu dhe Kashmir dhe sot është provinca e vetme mbizotëruese muslimane në Indi. /tesheshi.com/
