Pas efektivi vrau kolegun në Komisariatit nr. 3, si dhe pas faktit se shumë punonjës rezultojnë përdorues droge, Kryepolici Gledis Nano pati një takim me vartës të tij të nivelit të lartë, duke i mëshuar sidomos kësaj të fundit. “Çdo titullar i strukturave vendore të grumbullojë informacion dhe të dërgojë në mënyrë të befasishme për të kryer testin e
drogës ata punonjës që dyshohet se mund të përdorin lëndë narkotike. Ky është një proces që do jetë në vijimësi dhe nuk do mbarojë kurrë, ndaj vlerësojeni me shumë seriozitet”, u ka thnënë Nano.
Ai ka kërkuar angazhim maksimal dhe nga kultivimit dhe trafikut të kanabisit, duke paralajmëruar dhe ndëshkim për ata efëktivë ku në zonat e tyre del të ketë lëndë narkotike.
“Për zonat që do të raportohen të pastra, por më pas nga monitorimi ajror do evidentohen bimë narkotike të mbjella, përgjegjësia do të bjerë direkt mbi drejtuesit e strukturave policore që mbulojnë këto territore dhe masat do jenë shumë ta ashpra”, ishte paralajmërimi i Nanos.
“Të mos ulet ritmi në luftën ndaj krimit, por të rritet akoma më shumë forca goditëse dhe të mos ndalojnë operacionet për goditjen e grupeve kriminale”, ka qenë kërkesa e drejtorit të Përgjithshëm të Policisë në takim me vartësit e tij. /tesheshi.com/
