Departamenti Amerikan i Shtetit ka publikuar raportin global mbi trafikun e narkotikëve, ku në aneksin përmend se Shqipëria vazhdon të jetë tranzit për heroinën dhe kokainën.
Vetëm pak kohë më parë, portal tesheshi.com publikoi një shkrim duke cituar një raport ndërkombëtar mbi trafikun e drogës.
Dike cituar raportin, në shkrimin e tesheshi.com theksohej se Shqipëria është një rrugë e fuqishme e trafikimit të klaneve kurde dhe serbe të heroinës drejt europës. (http://localhost/tesheshi/dokumenti-sekret-klanet-serbe-dhe-kurde-te-droges-qe-zoterojne-gjysmen-e-shqiperise)
Ndërkaq, Departamenti i Shtetit të SHBA-së, thekson se “Shqipëria vazhdon të mbetet një vend kryesor burimi për prodhimin e marijuanës dhe një rrugë tranziti për dërgesat e kokainës dhe heroinës me destinacion përfundimtar tregjet evropiane”.
DASH lëshon alarmin se droga është një rrezik i madh për nxënësit e shkollave në Shqipëri, pasi shkollat janë vend i përdorshëm për drogën.
Megjithatë, zyrtarët amerikane thonë se autoritetet shqiptare gjatë 2015 kryen një sërë arrestimesh dhe kapën një sasi të madh droge nga prodhuesit dhe rrjetet e trafikantëve që veprojnë në vend, duke vazhduar prirjen e vitit 2014.
Më tej, në raport shkruhet se suksesi ka ardhur si rezultat i rritjes së bashkëpunimit me autoritetet italiane dhe shtimit të angazhimit të udhëheqjes politike dhe asaj të policisë.
Në 10 muajt e parë të vitit 2015, u kapën 6.87 tonë marijuanë, u shkatërruan 689,815 bimë marijuane në një sipërfaqe prej 44 hektarësh, sipas identifikimit nga ajri të autoriteteve italiane. Autoritet po ashtu kapën 55.3 kg heroinë dhe 26.4 kg kokainë.
“Shqipëria vazhdon të marrë ndihmë nga Shtetet e Bashkuara dhe Bashkimi Evropian për të përmirësuar aftësitë e saj në luftën kundër narkotikëve.
SHBA ka asistuar edhe në dhënien e ndihmës për menaxhimin e kufijve tokësore dhe detarë. Gjithashtu policia e shtetit me mbështetjen amerikane ka integruar programin qe ve në dijeni për rrezikun nga droga në 300 shkolla te ciklit të ulët ku studiojnë afro 30 mijë nxënës”, thekson raporti i DASH. /tesheshi.com/
