Zyra Gjermane për Mbrojtjen nga Rrezatimi (BfS) ka lëshuar një paralajmërim për shkak të konsumimit të një lloj ushqimi. Siç ka njoftuar tani BfS, fëmijët, gratë shtatzëna dhe nënat me gji nuk duhet të hanë arra braziliane.
Sipas mediave gjermane, arrat e njohura mund të jenë të kontaminuara dhe përmbajnë sasi të mëdha radiumi.
Paralajmërimi nuk vlen për të gjithë llojet e tjera të arrave, ata të cilat nuk janë të ekspozuara ndaj ndonjë rrezatimi.
Arra braziliane vjen nga Amerika e Jugut. Për të qenë më specifik: pemët e arrave braziliane rriten në pyjet tropikale të shiut. BfS shpjegoi se atje ka toka që përmbajnë natyrshëm sasi të mëdha radiumi. Elementi radioaktiv absorbohet përmes rrënjëve dhe transportohet përmes pemës në arrë.
Në përgjithësi është e sigurt për të rriturit që të konsumojnë arra braziliane në sasi të moderuara, thonë institucionet përgjegjëse.
Tek fëmijët, megjithatë, e njëjta sasi e arrave braziliane mund të çojë në një dozë dukshëm më të lartë rrezatimi.
Sipas BsF, radiumi ruhet si kalciumi në dhëmbë dhe kocka, dhe dhëmbët dhe kockat janë ende duke u zhvilluar tek fëmijët.
Fëmijët e palindur dhe foshnjat thithin material radioaktiv përmes placentës dhe qumështit të gjirit.
Sipas informacioneve nga BfS, një person në Gjermani thith një dozë vjetore relativisht të ulët rrezatimi prej rreth 300 mikrosievert përmes ushqimit të tij.
Megjithatë, BfS thotë për arrat braziliane: “Edhe konsumi i rregullt i sasive të vogla të arrave braziliane mund ta rrisë ndjeshëm këtë vlerë. Çdo i rritur që ha mesatarisht dy arra braziliane në ditë për një vit, për shembull, do të marrë një dozë rrezatimi shtesë prej rreth 160 mikrosievert.” /tesheshi.com/
