Regjimi komunist i Koresë së Veriut ka marrë një tjetër paralajmërim nga presidenti amerikan Donald Trump sot.
Edhe pse sekretari i mbrojtjes James Mattis u përpoq të zbuste tensionet duke e vënë theksin tek një zgjidhje paqësore për krizën, shefi i tij sot ka bërë një postim në twitter ku shkruan se; “zgjidhjet ushtarake janë tani plotësisht gati,” nëse regjimi i Kim Jong Un-it “bën veprime të pamatura”.
Vetëm për pak minuta deklarata e Trump ka marrë vëmendje kryesore në mediat mbarë botërore, ndërsa shumë analistë e quajnë të nxituar retorikën e Trump.
Prej dy ditësh Trump po i përgjigjet një njoftimi nga Koreja e Veriut se ajo ka plane për të hedhur raketa pranë ishullit Guam.
Në këtë ishull ndodhet një baze ajrore dhe e një instalim detar amerikan me një personale ushtarak prej 7 mijë vetësh.
“Të shohim çdo të bëjë me Guamin. Nëse bën diçka, ajo që do t’i ndodhë Koresë së Veriut, do të jetë një ngjarje që askush nuk e ka parë ndonjëherë”- tha më herët Trump, ndërsa sot bëri të ditur se ushtria ishte gati për sulm./tesheshi.com/
