Ministri i Brendshëm, Dritan Demiraj, ka bërë një paralajmërim të fortë përmes rrjeteve sociale në lidhje me rrezikun që po i shkaktohet sigurisë kombëtare. Demiraj i referohet situatës së zjarrvënieve në zona të ndryshme të vendit, të cilat favorizohen edhe nga temperaturat e larta, era apo terreni i thyer.
“Të nderuar miq! i nxehti ka bërë që me vendin tonë për tashmë dy muaj të ketë shumë zjarre. Drejtoria e Përgjithshme e Emergjencave çvile, zjarrfikësit, Policia e Shtetit, Forcat e Armatosura, bashkitë, prefekturat po punojne natë e ditë për të vendosur situatën nën kontroll.
Inkurajoj të gjitha këto struktura që po luftojnë me zjarret në çdo cep të territorit për të shpëtuar njerëzit dhe pasurinë kombetare.
Zjarrëvënia e qëllimshme rrezikon sigurinë kombëtare dhe përgjegjësit do të kapen e dënohen ashpërsisht”, shkruan Demiraj.
Reagimi i ministrit të Brendshëm ka ardhur pas një tjetër deklarate të bërë nga ministrja e Mbrojtjes, Mimi Kodheli, e cila e konsideroi zjarrvënien si një akt të qëllimshëm.
“Situatë thuajse e paprecedentë nga veriu në jug për shkak të zjarreve. Por më të tmerrshëm e bën fakti që janë të qëllimshëm. Megjithatë FA janë të pranishme kudo, që nga Llogoraja, Palasa, Dukati, Dajti e deri në Velipojë. Forcat e Armatosura të Shqipërisë në krye të detyrës!”, u shpreh Kodheli. /tesheshi.com/
