Drejtori i Bankës Botërore David Malpass ka paralajmëruar se koronavirusi mund të çojë eri në 60 milion njerëz në “varfëri ekstreme”.
Banka Botërore, siç tha ai, pret që rritja ekonomike globale të bjerë me 5 përqind pasi vendet po luftojnë me pandeminë, raporton BBC.
Kjo tashmë ka çuar në prishjen e kompanive dhe humbjen e vendeve të punës për miliona njerëz, ndërkohë që dhe sistemet shëndetësore kanë rënë nën një presion të madh.
“Vlerësimi ynë është që deri në 60 milion njerëz do të shtyhen në varfëri ekstreme, duke çuar në zhvlerësimin e të gjithë përparimitë të bërë në uljen e varfërisë gjatë tre viteve të fundit,” tha Malpass.
Sipas përcaktimit të Bankës Botërore, “varfëria ekstreme” do të thotë të jetosh me më pak se 1.90 dollarë për person në ditë. /tesheshi.com/
