Opozita po harton dhe do të paraqesë një paketë masash me qëllim realizimin e reformës zgjedhore, e cila duhej të përmbyllej që me zgjedhjet parlamentare të 25 qershorit.
Deklarata është bërë nga kreu demokrat, Lulzim Basha, gjatë fjalës së mbajtur në Kuvend, ku po zhvillohet debati për qeverinë dhe programin e saj. Basha paralajmëroi se nëse krimi do të tentojë të ndalë këtë paketë masash, do të ketë reagim të opozitës. Madje Basha paralajmëroi se reagimi do të jetë me çdo mjet.
“Po pati lojë krimi, do t’i prijmë shembjes me çdo kush e çdo mjet tjetër të kësaj kalbësire që përfaqëson republikën jo të Shqipërisë, por të krimit”, u shpreh Basha. /tesheshi.com/
