Një raport i publikuar nga Organizata Botërore e Shëndetësisë (OBSH) thekson se vendet evropiane po përballen me “kriza të vazhdueshme shëndetësore”, me një numër në rritje të rasteve psikiatrike tek të rinjtë, një stagnim në procesin e vaksinimit dhe një numër të madh të pacientëve kronikë të zemrës dhe njerëzve obezë.
Raporti Evropian i Shëndetit, i publikuar çdo tre vjet nga OBSH, shqyrton gjendjen shëndetësore në rajonin evropian, i cili përfshin 53 vende në Evropë, Kaukaz dhe Azinë Qendrore, transmeton Politico.
Situatat emergjente
Raporti tregoi se një në gjashtë njerëz në rajon vdes para ditëlindjes së tyre të 70-të nga disa prej sëmundjeve jo të transmetueshme, si sëmundjet kardiovaskulare, kanceri, diabeti ose sëmundjet kronike të frymëmarrjes.
Ai paralajmëron se sistemet kombëtare shëndetësore, të ngarkuara nga kërcënimi në rritje i ndryshimeve klimatike, të përballura me një popullsi në plakje dhe kërcënim në rritje të ndryshimeve klimatike, nuk janë të përgatitur për emergjencat e ardhshme.
Është thelbësore që autoritetet në vendet evropiane të përballen me rrënjët e sëmundjeve kronike, nga përdorimi i duhanit dhe alkoolit, aksesi i dobët në ushqime të shëndetshme dhe ushqyese, te ndotja e ajrit dhe mungesa e aktivitetit fizik, tha Hans Henri Kluge, Drejtor Rajonal i OBSH-së për Evropën. /tesheshi.com/
