Përfaqësuesi i Lartë i BE-së për Politikën e Jashtme dhe Sigurinë, Josep Borrell tha në Bruksel se Evropa po përballet me dy “luftëra brutale” pranë kufijve të saj dhe se ka “shumë tensione” që mund të dalin lehtësisht jashtë kontrollit.
Duke folur në fund të Forumit të Mbrojtjes dhe Sigurisë Schuman, ai paralajmëroi se disa nga krizat mund të përshkallëzohen në një konfrontim të madh global në një kohë kur bota është bërë një sistem shumëpolar dhe shumëpalësh, e cila supozohet të ruajë paqen, por që është dobësuar thellë.
“Ne evropianët po përballemi me dy luftëra brutale pranë kufijve tanë dhe shumë tensione që mund të dalin lehtësisht jashtë kontrollit, si në Libi, në Sahel, në Ballkanin Perëndimor, në Kaukaz, në Sudan, në Bririn e Afrikës, në kufijtë e Republikës Demokratike të Kongos, në Gjirin e Jugut, nga bandat dhe kartelet e drogës në Amerikën Latine dhe Amerikën Qendror…Për fat të keq, unë duhet të përballe, me to”.
Ai shtoi se edhe institucionet, të cilat janë zemra e sistemit të Kombeve të Bashkuara, si Gjykata Ndërkombëtare e Drejtësisë (GJND), mund të dobësohen: “Nëse vendimet e Gjykatës Ndërkombëtare nuk respektohen, do thellohet pabarazia në botë dhe herën tjetër nuk do të apelojmë nëse vendimi i saj nuk zbatohet – dhe nuk është zbatuar”.
Ai shtoi se “gjeografia është shumë e rëndësishme dhe se luftërat që janë afër nesh janë më të rëndësishme se ato që zhvillohen larg. Megjithatë, ai paralajmëroi se të gjitha konfliktet janë të ndërlidhura”.
“Mallrat publike janë në rrezik, nga çmimet e energjisë deri te liria e lundrimit,” tha ai. “Më besoni, ne duam të jemi një forcë paqeje në botë, me të gjitha kufizimet tona, duke e ditur se ndonjëherë interesat tona janë më të forta se përmbushja e vlerave tona, sepse ne jemi një organizatë politike. Secili ka interesat e veta.” /tesheshi.com/
