Ish-kryeministri Pandeli Majko, njeriu që qeverisi Shqipërinë nën dramën kosovare në ‘99-ën, paralajmëron që Vuçiç mos nënvlerësohet, pasi sipas tij, në veriun e Kosovës po zbatohet skenari i Donbasit.
“Serbia ka filluar një ‘lodër’ të vjetër në kushte të ‘reja’ me Perëndimin.
Në veriun e Kosovës po zhvillohet ‘skenari’ i Donbasit në Ukrainë.
Asnjëherë, nuk duhet nënvlerësuar dikush që mbivlerëson veten. Në këtë rast, ai quhet Aleksandër Vuçiç!”, shkruan Majko.
Kujojmë se ai ka për epror politik njeriun që ka tentuar të bashkëpunojë me Vuçiçin vitet e fundit, kryeministrin Rama, i cili mbron tezën se paqja mes serbëve e shqiptarëve do vijë nëpërmjet dialogut dhe bashkëveprimit ekonomik.
Por deri më tani nuk ka asnjë shenjë të tillë. Vuçiç, si politikan i ardhur nga shkolla e Millosheviçit, shfaq pothuajse të gjithë tiparet e tij, sidomos me krijim miti persekucioni të serbëve nga shqiptarët. /tesheshi.com/
