Dorëheqja plot pikëpyetje e Zinedine Zidane nga drejtimi i madrilenëve, mund të ketë një vlerë prej 200 milion eurosh.
Francezi, në aktin e vetëlargimit dha si argument faktin se tashmë ishte koha e tjetërkujt për ta drejtuar skuadrën, me të cilën ai fitoi tre Champions radhazi.
Por dikush e ka nxjerrë një tjetër të vërtetë në shesh: Zidane e ka lënë Realin për 200 milion euro që i janë ofruar nga arabët e Katarit.
Ka qenë miliarderi egjiptian Naguib Sawiris ai që ka shkruar në profilin e tij në Twitter se Zidane iku nga Reali pas tre vjetësh, sepse kishte një ofertë me vlerë 200 milionë euro.
“Zidane do të drejtojë ekipin kombëtar të Katarit për në Botërorin e vitit 2022 që do të zhvillohet në këtë vend. Paga do të jetë 50 milionë euro në vit, në një kontratë për katër vjet”, shkruan miliarderi. /tesheshi.com/
