Inxhinier Justin Rosenstein ka fshirë aplikacionin e Facebook-ut nga celulari i tij, edhe pse në vitin 2007 ai krijoi një nga funksionet më të njohura në këtë rrjet social.
Rosenstein, 34-vjeçar, tani jeton në frikë nga pasojat që shpikja e tij mund të ketë tek njerëzit në mbarë botën.
Për shkak të shqetësimit të tij, ai bllokoi profilet e tij në Reddit dhe Snapchat, dhe kufizoi rreptësisht kohën që kalon në Facebook në baza ditore, raporton Guardian.
Së fundi ai bleu një iPhone të ri dhe i tha ndihmësit të tij që të aktivizojë një funksion i cili parandalon shkarkimin e të gjitha aplikacioneve.
Ai i quan like-t në Facebook “ndjenja të ndezura të pseudo-kënaqësisë”, raporton Independent.
“Është shumë normale që njerëzit të zhvillojnë diçka me qëllimin më të mirë të mundshëm, ndërkohë që shpikja e tyre në mënyrë të paplanifikuar prodhon pasoja shumë negative”, tha ai.
“Përdoruesit po bëhen të varur nga like-at, gjë që ndikon në shëndetin e tyre mendor, edhe pse nuk janë në dijeni për këtë. Të gjithë janë të hutuar gjatë gjithë kohës”, shtoi ai. /tesheshi.com/
