Koncensioni i sterilizimit çoi sërish në SPAK, për t’u marrë në pyetje, ish-ministrin Shkëlqim Cani, njeriu përgjegjës për financat e shtetit në mandatin e parë të Ramës.
“SPAK duhet falenderuar bashkë me ju, se dhe ata po punojnë për zbulimin e së vërtetës. Jam gati të përballem me drejtësinë”, tha njeriu që ka qenë dhe pjesë e qeverisjes Nano, por kurrë i përfolur, gati e kundërta e Arben Ahmetajt, ai që do e pasonte në postin e ministrit të Financave pas dhënies së dorëheqjes.
“Kam qenë i hapur për çdo çështje. Unë kam dhënë përgjigje për ato që më ka kërkuar. Çfarë donte Ilir Rrapaj me mua, nga ta gjej unë lidhjen, pse duhet ta njoh unë atë?! Unë nuk jam ministri që kam kryer pagesat, pasi kur ka filluar koncesioni unë jam largua nga detyra”, tha Cani, duke përmendur emrin e zv/ministrit të arrestuar prej 24 orësh. /tesheshi.com/
