Për të dytin vit rresht, nxënësja shqiptare që meritoi të mbante flamurin në paradën e festës kombëtare në Santorini, është ndaluar nga ekstremistët e të djathtës greke. Ata kishin salduar gjatë natës portën e jashtme të shkollës, dhe kishin hedhur përtokë vajra makine. Megjithë ndërhyrjen e policisë, parada nuk u zhvillua, në shenjë proteste të komunitetit ndaj ekstremistëve.
Kundërshtimi i aktivistëve të së djathtës greke lidhej me faktin se flamurin e paradës do ta mbante një nxënëse me origjinë shqiptare. Ata mbanin veshur bluza të zeza me mbishkrimin “Ultras Hellas” dhe kishin salduar gjatë natës portën e jashtme të shkollës, dhe kishin hedhur përtokë vajra makine, për të penguar marrjen e flamurit.
Por arsimtarët thirrën zjarrfikësit që e hapën portën.
Megjithatë, parada nuk u zhvillua, në shenjë proteste për aktin e ekstremistëve. Ngjarja ka ndodhur pak ditë më parë, në fshatin Emporio të Sanatorinit, por është pasqyruar sot në shtypin qendror grek.
Ministria vendase e Arsimit e dënoi “në mënyrën më kategorike aktin e ekstremistëve” dhe shton se “përpjekja e tyre për të frikësuar komunitetin e mësuesve dhe nxënësve nuk arriti asgjë”. /tesheshi.com/
