Në kulmin e debatit politik në prag të zgjedhjeve lokale, në Kosovë pritet të mbahet një paradë homseksualësh. Ky zhvillim që i planifikuar për në datën 10 tetor, ka trazuar jo pak shoqërinë kosovare e cila ka shtresëzime të forta tradicionale, konservatore dhe për më tepër fetare.
Ndër zërat kryesorë që ka reaguar fort kundër saj është Gëzim Kelmendi, kreu i partisë Fjala, të cilit Facebook-u i bllokoi dhe një mesazh anti-Gej në emër të kartës së cenimit të lirisë së preferencave seksuale.
Ndërsa prej figurave klerikale, një zë i fortë kundër paradës Gej është shfaqur Hysamedin Abazi, imami i xhamisë së njohur të “Katër llulla”-ve në Prishtinë. Ai e ka quajtur si “paradë turpi”, atë që komuniteti Gej në Kosovë e quan “Paradë krenarie”.
Sakaq, klasa politike kosovare po qëndron “sus” para këtij zhvillimi që po kundërshtohet nga një pjesë jo e vogël e shoqërisë, siç lexohet qartë, për shkak të konformizmit politik ndaj faktorit ndërkombëtar, më saktë Ambasadës Amerikane në Prishtinë, e cila figurativisht mban flamurin e kësaj parade si mbështetësja kryesore e saj. Madje kryeministri Haradinaj, si përfaqsues pushteti, ka bërë deklaratë mbështetëse ndaj kësaj parade. /tesheshi.com/
