Ministri i ri i Rendit Bledi Çuçi bëri prezantimin e parë para publikut, duke zgjedhur të tregojë se si rezultoi Policia e Shtetit pas një sondazhi të qeverisë suedeze, kryer para ngjarjes së rëndë të jetëhumbjes së Klodian Rashës, qëlluar pakuptueshëm nga një efektiv policie në mesnatë.
“Komunikimin e parë si ministër i Brendshëm me publikun ta bëj e ta paraqisja personalisht këtë barometër, rezultate të sondazhit për arsye se si gjithë shqiptaret, unë në këtë pozicion dhe si anëtar i qeverisë ndihem shumë mirë që perceptimi për punën e bërë nga policia që prej 2013 e deri më sot është jashtëzakonisht pozitiv.
Sondazhi vjen në një moment specifik se javën e fundit kemi përjetuar një situatë jo të zakonshme nga një rast krejt i veçuar që s’ka lidhje me trajektoren e punës së policisë por nxori në sipërfaqe atë kategori njerëzish apo personazhesh publikë që s’lënë rast pa hedhur baltë mbi punën e policisë dhe qeverisë.
Rezultatet e sondazhit kanë dalë përpara ngjarjes së ndodhur disa ditë më parë.
Policia e shtetit është sot shumë më tepër apolitike, jo e varur, shumë më tepër e besueshme nga publiku për punën që bën, e shef me shumë më tepër respekt punën e policisë, që prej 2013″, u shpreh ministri.
Siç tha Çuçi, 66% e publikut mendon se Policia i trajton me sukses. Ai ka shtuar se sipas këtij anketimi, Policia e Shtetit është më pak e politizuar se polici në shtet te tjera si Mbretëria e Bashkua, Holanda, Franca.
“66% e publikut mendon se Policia i trajton me sukses. Në 2013 ka qenë 23%. Për atë që thonë që Policia e shtetit është bërë politike, Shqipëria është në një trajektore pozitive krahazuar me vendet e tjera.
Kemi pas shtet si Mbretëria e Bashkuar, Holanda, Franca se sa e politizuar Policia e shtetit në veprimet dhe vendimet që merr, dhe kjo e ka bazën në punën që kemi bërë për politizimin e shtetit”, tha Çuçi. /tesheshi.com/
