Para, investime, asistencë teknike, përkëdhelje dhe ledhatime, përveç pranimit të shpejtë në Bashkimin Europian.
Këto do të jenë veçse disa nga favoret që Serbia e Aleksandër Vuçiçit do të ketë nëse njeh Kosovë, me anë të një dokumenti që do ta firmosë së bashku me Prishtinën zyrtare.
Këtë e bën të ditur B92, që citon Presidentin e Parlamentit Europian.
Brukseli ka vendosur përfundimisht të vendosë veton ndaj Beogradit për të njohur Kosovën dhe dokumenti është bërë i ditur nga kryetari i parlamenti Europian, Antonio Tajani, i cili po viziton Beogradin.
Ishte vetë Presidenti i Serbisë, Aleksandër Vuçiç, i cili ka bërë publike që BE-ja do të kërkojë nga Beogradi dhe Prishtina një dokument ligjor me detyrim zbatues nga të dy palët.
Në konferencën e përbashkët për shtyp me Vuçiç, Taiani e tha prerë që “Vetëm kur Serbia të firmosë dokumentin final me Prishtinën atëherë vendi do të hyjë formalisht në BE”.
Por Presidenti i Parlamentit Europian ka bërë të ditur edhe “thesin” që BE-ja do të hapë për Serbinë kur ajo të njohë Kosovën.
“Kompani Europiane do të ndihmojnë Serbinë që të ulë papunësinë dhe për këtë kemi plane të qarta dhe të shpejta”, tha Tajani.
Për të shpallur këtë plan të madh financimesh, vetë dy krerët më të mëdhenj të Bashkimit Europian: Presidenti Donald Tusk dhe Kreu i Komisionit, Jean Claude Jucker do të vizitojnë së shpejti Serbinë, ku përveç të tjerash do të bëjnë publike edhe dokumentin që do të firmoset me Kosovën.
Tajani deklaroi gjithashtu se gjatë presidencës bullgare të BE-së do të ndodhë një “uragan” gjërash positive për Ballkanin Perëndimor, në mënyrë që të ndalohet degradimi i rajonit dhe hyrja e tij në influencën ruse. /tesheshi.com/
