Duke refuzuar Presidenti i Autoritetit Palestinez Mahmud Abbas, katër shtete arabe dhanë mbështetjen e tyre për planin e paqes në Lindjen e Mesme të mbikëqyrur nga Jared Kushner, këshilltari i lartë dhe njëherësh dhëndri i Presidentit Trump, duke krijuar kështu një të çarë të madhe arabe në procesin e paqes izraelito-palestinez.
Zyrtarët nga Egjipti, Arabia Saudite, Emiratet e Bashkuara Arabe (UAE) dhe Jordania, të intervistuar nga e përditshmja izraelit Hayon shprehën pakënaqësinë e tyre me këmbënguljen e Abbasit në refuzimin për t’u takuar, sipas Al-Jazeera-s.
Në një intervistë palestinezen Al Quds, Jared Kushner tha se Uashingtoni do të shpallë planin e paqes së Lindjes së Mesme së shpejti dhe do të vazhdojë me ose pa Presidentin palestinez Abbas.
Kushner vizitoi Jordaninë, Arabinë Saudite, Katarin dhe Egjiptin përpara bisedimeve të premten dhe të shtunën me kryeministrin izraelit Benjamin Netanjahu.
Komentet e tij nënvizuan ndarjet e hapura midis Uashingtonit dhe udhëheqjes palestineze që janë zgjeruar çprej kur Trump e njohu Jerusalemin si kryeqytetin e Izraelit në dhjetor duke e zhvendosur ambasadën e SHBA në këtë qytet.
Zyrtarët palestinezë të cilët duan Jerusalemin Lindor si kryeqytetin e një shteti të ardhshëm, e akuzuan Kushnerin se po përpiqej të çfaktorizonte Abbasin.
Në intervistën me gazetën palestineze Al Quds, Kushner, i cili po takohej me udhëheqës në rajon por jo me Presidentin Abbas, refuzoi të hynte në detaje mbi planin e tij të paqes. Ndërsa politikat e Trump duket se favorizojnë Izraelin më shumë se ato të paraardhësit të tij Barak Obama, Abbas ka rezistuar duke thënë se SHBA “nuk mund të luajë më një rol udhëheqës” në përpjekjet për paqe. Abbas ka refuzuar çdo kontakt me Administratën e Trump që nga njohja e Jerusalemit si kryeqytet i Izraelit në fund të vitit të kaluar. /tesheshi.com/
