Moti i keq në bregdetin e Paqësorit të Kanadasë të hënën pengoi shpëtimtarët të hipnin në një anije mallrash që dogji disa kontejnerë kimikatesh gjatë fundjavës, tha Roja Bregdetare.
Të shtunën, 16 anëtarë të ekuipazhit u evakuuan nga anija e kompanisë MV Zim Kingston, ndërsa pesë prej tyre mbetën për të luftuar zjarrin, i cili kryesisht u vu nën kontroll të dielën në mbrëmje.
“Kompania punësoi një ekip shpëtimi, por për shkak të motit të keq nuk ishte në gjendje të hipte në anije”, tha Roja Bregdetare në Twitter.
Siç u tha, kontejnerët ende po digjen dhe po spërkaten me ujë, transmeton Reuters.
Roja Bregdetare bën me dije se zjarri nuk ka asnjë ndikim në shëndetin e njerëzve.
Anija është ankoruar disa milje larg bregut jugor të ishullit Vancouver, në provincën e Kolumbisë Britanike.
Më herët, Roja Bregdetare deklaroi se u dogjën 10 kontejnerë, por zjarri nuk preku vetë anijen dhe se nuk pati të lënduar. /tesheshi.com/
