Trupa e paqeruajtësve të OKB-së që zhvillon misione në disa vende të botës pritet të shtohet me 40 mijë ushtarë të rinj nga 50 vende të botës. Presidenti amerikan Barack Obama njoftoi zotimin për shtimin e personelit dhe pajisjeve për paqeruajtësit e OKB-së që përballë shumë sfidave, e gjejnë veten të papërgatitur.
40 mijë trupa të reja, ushtarake dhe policore pritet të jenë pjesë e operacioneve të “helmetave blu”, me rritjen e zonave të konfliktit në botë, por edhe midis skandaleve për abuzime seksuale.
Paqeruajtësit e OKB-së sipas Obamës, do të kenë përballë sfida më të vështira dhe misione më komplekse.
Presidenti kinez, Xi Jinping u zotua të vendosë në dispozicion një trupë të përhershme të ndërhyrjes së shpejtë prej 8 mijë ushtarësh si përgjigje ndaj krizave globale dhe ofroi 100 milionë dollarë për të financuar një skemë të ngjashme të Unionit Afrikan.
Xi tha se Kina do të ofrojë helikopterë, mjete dhe fonde, trajnime e personel për 10 misione të pastrimit të minave. Britania u angazhua për 250 deri në 300 trupa për misionin e OKB-së në Sudan.
Angazhime të reja janë edhe ato për dronë e sinjal komunikimi nga Pakistani, batalione e helikopetër nga Italia dhe mbështetje inxhinierike e personel nga Sri Lanka, Japonia dhe Koreja e Jugut. /tesheshi.com/
