Hamas ka bërë të ditur se është gati të firmosë një marrëveshje me ushtrinë izraelite për një armëpushim në zonën më të nxehtë të Palestinës.
Khalil al-Haya, një anëtar i krahut politik të Lëvizjes për çlirimin e Palestinës, deklaroi se falë mediatorëve egjiptianë mund të ndalet përballja e armatosur me shtetin e Izraelit, në bazë të marrëveshjes për armëpushim të vitit 2014.
Naftali Bennet, ministër në qeverinë izraelite tha se Kajro zyrtare ka qenë shumë aktive për të ndërmjetësuar një qetësim të gjakrave që të paktën të mos vazhdojë gjakderdhja.
Edhe pse nuk ka ende një akord formal, bëhet e ditur se parimisht palët kanë rënë dakord për një paqe provizore. /tesheshi.com/
