Është mbyllur në barazim ndeshja kryesore e Premier League, ajo mes Liverpool dhe Chelsea. Në një ndeshje që u luajt me një ritëm të çmendur, ku të gjithë vrapojnë nga minuta e parë deri tek e fundit, ishin londinezët që dolën “më të fituar”, për nga mënyra si shkuan gjërat. Spektakël më vete dhuruan me ekspresivitetin e tyre edhe dy trajnerët Klopp dhe Conte.
Ndeshja i kishte të gjitha, vrap, klas, teknikë, luftë dhe nga një gol për secilën skuadër. Golat u shënuan të dy në pjesën e dytë. I pari kaloi në avantazh Liverpool, kur mëngjarashi Muhamed Salah, shënoi me të djathtën, brenda zonës. Vetëm pasi ka futur të gjithë sulmuesit e mundshëm, Chelsea ka gjetur barazimin 4 minuta para fundit të ndeshjes, kur Ëillian nisi një gjysëm kros e gjysëm gjuajtje në zonë, parabla e së cilës kaloi portierin Mignollet.
Por nëse Liverpool e Chelsea u ndanë në barazim, Manchester United fitoi një ndeshje jo në nivelin e emrit, me Brighton. 1-0 në fund të ndeshjes, me një autogol të kundërshtarit, por mbi të gjitha 3 pikë plus dhe 4 pikë larg kryesuesve të Manchester City.
Hap fals ka bërë të shtunën edhe Totenham, i cili nuk shkoi më shumë se një barazim me WBA, duke ia lënë vendin e tretë në renditje, “kushërinjve” të Chelsea. /tesheshi.com/
