Policia njoftoi një rast tjetër të papërgjegjshmërisë në përdorimin e rrugës dhe jo në autostradë, por në mes të Tiranës. Kështu një i ri është kapur duke ngarë makinën e tij luksoze me 114 km në orë thuajse në qendër të Tiranës. 28 vjeçari udhëtonte me mjetin e tij në rrugën e Kavajës, edhe pse, sipas policisë shpejtësia e lejuar është vetëm 40 km në orë.
Me anë të një njoftimi, policia sqaron se të riut iu hoq leja e drejtimit të mjetit për shkak të shpejtësisë tej normave të lejuara.
Me këtë shpejtësi, ai përbënte një rrezik potencial jo vetëm për jetën e tij, por të të gjithë përdoruesve të rrugës. /tesheshi.com/
