Papa Françesku ka vendosur të hapë arkivat sekrete të Vatikanit që kanë të bëjnë me periudhën e Luftës së Dytë Botërore, kohë kur Kishën e udhëhiqte Pius XII. Sipas Reuters, kjo është diçka që judenjtë kërkonin prej dekadash nga kreu i Kishës Katolike Romake.
Deklarata thotë se disa judenj akuzojnë Pius XII, i cili ishte papë nga viti 1939 deri 1958, që bëri asgjëq për të ndaluar Holokaustin.
Vatikani, megjithatë, pohoi se Papa Piu XII punoi fshehurazi, prapa skenave, për të shpëtuar hebrenjtë.
“Arkivat do të hapen më 2 mars 2020”, tha Papa Françesku.
Ai tha se “Kisha nuk ka frikë nga historia”, duke shtuar se trashëgimia e Papa Piut XII trajtohet me paragjykime dhe ekzagjerim të caktuar.
Komiteti Amerikan hebraik (AJC), një nga organizatat kryesore hebraike në botë, e mirëpriti këtë vendim.
“Për më shumë se 30 vjet, AJC ka bërë thirrje për hapjen e arkivave sekrete të Vatikanit nga periudha e Luftës së Dytë Botërore”, tha rabini David Rosen, drejtor ndërkombëtar i çështjeve ndërfetare për AJC.
“Është veçanërisht e rëndësishme që ekspertë nga institutet kryesore të Izraelit dhe Shteteve të Bashkuara, të cilët studiojnë Holokaustin, sa më shumë të jetë e mundurtë japin një vlerësim objektiv të të dhënave historike nga ajo kohë e tmerrshme, të njohin dhe dështimet, si dhe përpjekjet kurajoze gjatë Holokaustit”, tha Rosen. /tesheshi.com/
