Të dielën, duke shënuar “Pashkët e luftës”, Papa Françesku u bëri thirrje liderëve të dëgjojnë thirrjen e njerëzve për paqe në Ukrainë dhe kritikoi hapur Rusinë për tërheqjen e vendit në një konflikt “mizor dhe të pakuptimtë”.
Në një mesazh “Urbi et orbi” – drejtuar qytetit (Romës) dhe botës – para një turme prej 50,000 njerëzish në Sheshin e Shën Pjetrit pas një meshe të gjatë mëngjesi, Papa 85-vjeçar ia kushtoi pjesën më të madhe Ukrainës.
“Ne po e shikojmë këtë Pashkë të kohës së luftës me mosbesim. Ne kemi parë shumë gjak dhe dhunë. Dhe zemrat tona janë të mbushura me frikë dhe ankth sepse shumë prej vëllezërve dhe motrave tona u është dashur të ikin nga bombardimet,” shtoi Françesku, duke bërë thirrje për paqe.
“Ukraina është, tha ai, në një peshë kaq të rëndë nga dhuna dhe shkatërrimi prej luftës mizore dhe të pakuptimtë”, tha Papa.
Ai gjithashtu bëri thirrje për pajtim ndërmjet izraelitëve dhe palestinezëve dhe për paqen dhe pajtimin në Liban, Siri, Irak, Libi, Mianmar dhe Republikën Demokratike të Kongos, të cilën ai do ta vizitojë në korrik, veçanërisht për të gjitha komunitetet e krishtera që jetojnë në Lindjen e Mesme.
“U bëftë paqe në Lindjen e Mesme, e copëtuar nga përçarjet dhe konfliktet për vite me radhë. Në këtë ditë të lavdishme, ne lutemi për paqe për Jerusalemin dhe paqe për ata që e duan atë, të krishterët, hebrenjtë dhe myslimanët”, tha Françesku. /tesheshi.com/
