Papa Leo XIV kritikoi sot shfaqjen “e mjerueshme” të lëvizjeve politike nacionaliste, pa përmendur ndonjë vend apo udhëheqës kombëtar specifik.
Leo XIV, papa i parë nga Shtetet e Bashkuara, u lut në një meshë sot para dhjetëra mijëra besimtarëve në Sheshin e Shën Pjetrit që Zoti “të hapë kufijtë, të shembë muret dhe të dëbojë urrejtjen”, raportoi Reuters.
“Nuk ka vend për paragjykime, për zona ‘sigurie’ që na ndajnë nga fqinjët tanë, për një mendësi përjashtuese që, për fat të keq, tani po e shohim të shfaqet në formën e nacionalizmave politike”, tha kreu suprem i Kishës Katolike Romake.
Kritika ndaj Trump
Leo XIV, ish-Kardinali Robert Prevost, u zgjodh më 8 maj si pasardhës i Papa Françeskut në krye të Kishës Katolike Romake, dhe para zgjedhjeve ai nuk u ngurrua të kritikonte Presidentin e SHBA-së Donald Trump, duke postuar denoncime të shumta për të dhe Zëvendëspresidentin JD Vance në rrjetin X.
Vatikani nuk ka konfirmuar se Papa i ri është pronar i llogarisë së rrjetit X, e cila u çaktivizua pasi ai u zgjodh.
I ndjeri Papa Françesku ishte gjithashtu një kritik i ashpër i Donald Trump.
Nuk ka asnjë arsye që mendësia përjashtuese që për fat të keq po e shohim tani të shfaqet në formën e nacionalizmave politike, tha kreu i Kishës Katolike. /tesheshi.com/
