Papa Françesku, duke folur në Nagasaki, një dy qytetet e goditur nga e vetmje bombë atomike e lëshuar në histori, bëri thirrje për eliminimin e armëve bërthamore, duke thënë se posedimi i tyre ishte i çoroditur dhe i paqëndrueshëm.
“Posedimi i armëve bërthamore dhe armëve të tjera të shkatërrimit në masë nuk është një përgjigje për dëshirën për paqe”, tha ai, në vendin ku Shtetet e Bashkuara më 9 gusht 1945, vranë 27,000 njerëz pas lëshimit të bombës..
“Bota jonë është e shënuar nga një dikotomi e çoroditur që kërkon të mbrojë dhe të sigurojë stabilitetin dhe paqen përmes një ndjenje të rreme të sigurisë mbështetur nga një mentalitet i frikës dhe mosbesimit”, tha Papa.
“Paqja dhe stabiliteti ndërkombëtar janë të papajtueshëm me përpjekjet për të krijuar një frikë nga shkatërrimi ose kërcënimi i shfarosjes totale,” tha ai.
Më vonë, Papa do të vizitojë Hiroshiman, vendin e shpërthimit të parë, në të cilin gati 78,000 njerëz u vranë në këtë zonë.
Rreth 400,000 të tjerë vdiqën pas sëmundjeve të rrezatimit dhe plagëve të shkaktuara nga dy bomba të hedhura, në përpjekje për t’i dhënë fund luftës. /tesheshi.com/
