Papa Françesku ia ka kushtuar meshën e Krishtlindjeve temës së emigrantëve, duke marrë si precedent vetë fatin e Jezu Krishtit.
“Jezu Krishti erdhi tek ne pa një dokument mbi shtetësinë e tij. Ndërsa i jati dhe e ëma u larguan nga shtëpia e tyre, toka e tyre jo sepse kishin dëshirë porse i dëbuan. Njësoj si emigrantët sot. Ata nuk ikin se duan të lënë vendin e tyre, jo, por nuk i lënë të jetojnë”, tha Kreu i Kishës Katolike në meshën e zhvilluar në Bazilikën e Shën Pjetrit në Vatikan.
Për të dhënë një shembull të deklarimeve të tij, argjentinasi që drejton Kishën Katolike prej më shumë se 6 vitesh, gjatë ritit të meshës u shoqërua nga disa fëmijë nga Kina, Peruja, Uruguaji dhe Kili.
Deklarata e Papës është bërë në një kohë kur në Itali, por edhe vendet e tjera europiane, urrejtja ndaj emigrantëve dhe krijimi i klisheve ksenofobe, përveç se fenomen social janë kthyer edhe armë politike nga disa forca të djathta në mungesë të kauzave reale. /tesheshi.com/
