Papa Françesku kritikoi peshkopët e Shteteve të Bashkuara për shkak se ata nuk kanë treguar unitet përballë skandalit të abuzimit seksual dhe tha se duhet t’u japin fund mosmarrëveshjeve të brendshme në lidhje me krizën që ka dëmtuar seriozisht kredibilitetin e Kishës Katolike në Amerikë.
Në një letër të gjatë dhe të pazakontë, dërguar peshkopëve amerikanë të cilët patën një takim 7-ditësh për të diskutuar krizën e përgjithshme, Papa tha se skandali demonstron nevojën urgjente për një qasje të re të menaxhimit dhe për të ndryshuar mënyrën e të menduarit në Kishë.
“Misionit të Kishës i ka rënë besueshmëria dhe në një masë të madhe vuan për shkak të abuzimit me pushtetin, neglizhencës, skandaleve seksuale, si dhe keqzgjidhjes së tyre”, shkruan Papa, duke shtuar se peshkopët më shumë “u përqëndruan në kritikat reciproke sesa në gjetjen e kohës për pajtim”.
Papa Françesku ka ftoi peshkopët të botës muajin e ardhshëm në Vatikan për të diskutuar çështjen e mbrojtjes së të miturve.
Në prag të tubimit, peshkopët amerikanë u mblodhën të mërkurën në Çikago për shtatë ditë lutje dhe reflektime shpirtërore.
“Kredibiliteti i Kishës është dëmtuar seriozisht dhe zvogëluar nga mëkatet”, ka thënë Papa. /tesheshi.com/
