Në një video-mesazh të veçantë, Papa Françesku u bëri thirrje njerëzve në të gjithë botën që të mos e humbin jëri-tjetrin gjatë pandemisë së koronavirusit.
“Kjo është një moment i vështirë për të gjithë ne. Papa e di këtë, dhe përmes këtyre fjalëve ai dëshiron të shprehë dashamirësi dhe afërsi me të gjithë”, tha Françesku në italisht.
Ai u bëri thirrje njerëzve që “të përfitojnë më shumë nga kjo kohë” duke qenë zemërgjerë dhe duke ndihmuar ata në nevojë, edhe nëse arrijnë deri tek më i vetmuari “në rrjetet sociale ose t’i thërrasin ata”.
“Megjithëse jemi të izoluar, mendimet dhe shpirti ynë mund të shkojnë shumë përpara me anë të dashurisë,” tha drejtuesi i 1.3 miliardë katolikëve në botë.
Ai përmendi të moshuarit, të pastrehët, të burgosurit, familjet e varfëra, ata që shqetësohen për humbjen e punës dhe ata “heronj që punojnë në spitale ose ofrojnë shërbime thelbësore”.
Papa Françesku, 83 vjeç, nuk po shfaqet në publik për shkak të pandemisë dhe do të udhëheq festimet masive për Pashkën javën tjetër pa praninë e besimtarëve, e cila është e paparë në epokën moderne.
“Ne do të festojmë Javën e Shenjtë në një mënyrë vërtet të pazakontë,” tha ai.
“Eshtë shpresa për kohë më të mira në të cilat ne vetë mund të jemi më të mirë dhe më në fund të çliruar nga e keqja dhe kjo pandemi”, tha Papa Françesku. /tesheshi.com/
