Pas përfundimit të vizitave të tij në Mianmar e Bangladesh, atje ku prej mujsh po konsumohet një tragjedi njerëzore me në qendër popullsinë muslimane Rohingia, kreu i botës katolike, Papa Françesku, sqaroi pozicionin e tij në lidhje me faktin se nuk e përmendi “Rohingia”, gjatë bisedave me krerët e Mianmarit.
“Nëse unë do ta kisha thënë atë fjalë, do të mbylleshin shumë dyer. Ajo që unë mendoj për ta, është e njohur. Unë e kam përmendur vuajtjen e tyre në disa raste nga Vatikani”, u tha Papa gazetarëve ndërsa kthehej nga Bangladeshi.
“Nuk pata kënaqësinë e një denoncimi publik, por pata mundësinë e dialogut”, tha kreu i Vatikanit. /tesheshi.com/
