Papa Françesku ka shtuar të martën kritikat e tij ndaj fushatës ushtarake të Izraelit në Gaza, duke e quajtur situatën humanitare në enklavën palestineze “shumë serioze dhe të turpshme”.
Diku tjetër në fjalimin e tij, kreu i Kishës Katolike Romake foli për një epokë të “lajmeve të rreme” dhe paralajmëroi për shtrembërimet e inteligjencës artificiale kur përdoret për të “manipuluar vetëdijen”.
Në fjalimin e tij vjetor drejtuar diplomatëve të mbajtur në emër të tij nga një ndihmës, Françesku duket se
po i referohej vdekjeve për shkak të të ftohtit të dimrit në Gaza, ku pothuajse nuk ka energji elektrike.
“Ne nuk mund të pranojmë në asnjë mënyrë bombardimin e civilëve”, thuhet në tekstin e fjalimit.
“Ne nuk mund të pranojmë që fëmijët të ngrijnë deri në vdekje sepse spitalet janë shkatërruar ose (për shkak se) rrjeti energjetik i një vendi është goditur.”
Papa 88-vjeçar ishte i pranishëm në fjalimin, por i kërkoi një ndihmësi ta lexonte atë në emër të tij, pasi ai po shërohej nga gripi.
Komentet u bënë gjatë një fjalimi për përfaqësuesit e akredituar të rreth 184 vendeve në Vatikan që nganjëherë quhet adresa e “gjendjes së botës” të Papës. Ambasadori izraelit në Selinë e Shenjtë ishte mes të pranishmëve në aktivitet.
Kreu i Kishës Katolike Romake prej 1.4 milionë anëtarësh është zakonisht i kujdesshëm dhe nuk mban anën në konflikte.
Por kohët e fundit ai ka qenë më i hapur për fushatën ushtarake izraelite kundër Hamasit dhe ka sugjeruar që komuniteti ndërkombëtar duhet të shqyrtojë nëse sulmi përbën gjenocid ndaj popullit palestinez.
Një ministër izraelit kritikoi publikisht Papën në dhjetor për këtë insinuatë.
Diku tjetër aspekt të fjalimit të tij, Papa Françesku tha s shoqëritë sot janë “gjithnjë e më shumë të polarizuara” dhe kjo prirje “përkeqësohet nga krijimi dhe transmetimi i vazhdueshëm i lajmeve të rreme që jo vetëm shtrembëron realitetin e ngjarjeve, por përfundon duke shtrembëruar vetëdijen, duke çuar në një perceptim të rremë të realitetit”.
“Njeriu ka dhuntinë e një etje të lindur për të vërtetën”, por “në kohën tonë, mohimi i së vërtetës së dukshme duket se ka përparësinë”, vazhdoi ai.
“Disa vënë në dyshim argumentet logjike të cilat ata i konsiderojnë si mjete në duart e një fuqie mistike, ndërsa të tjerë besojnë se ata janë mbajtësit e vetëm të së vërtetës që ata vetë e kanë ndërtuar. Këto shtrembërime mund të përforcohen nga mjetet moderne të komunikimit dhe inteligjenca artificiale, të cilat keqpërdoren si mjete të manipulimit të vetëdijes dhe për qëllime ekonomike, politike dhe ideologjike”.
Për t’i adresuar ato, është e nevojshme, sipas Françeskut, edukimi dhe sensibilizimi i të rinjve për një frymë kritike.
“Arsimi synon të sigurojë mjetet e nevojshme për të zhvilluar aftësitë e të menduarit kritik në mënyrë që të rinjtë të kenë mjetet e nevojshme për zhvillimin e tyre personal dhe pjesëmarrjen e tyre aktive në të ardhmen e shoqërisë së tyre”, theksoi ai. /tesheshi.com/
