Papa Françesku tha të hënën se ai ndihej me të vërtetë i frikësuar nga lufta bërthamore dhe se bota tani ndodhet “në prag të një lufte”.
Ai u shpreh kështu para gazetarëve gjatë rrugës për në Kili dhe Peru, pasi autoritetet në Havai lëshuan një alarm të rreme të një sulmi me raketa, duke shkaktuar panik në atë shtet të SHBA-së dhe duke paralajmëruan për rrezikun e rritur të një lufte të mundshme të papritur me Korenë e Veriut.
Kur u pyet për mundësinë e një lufte bërthamore, Papa tha: “Unë mendoj se jemi në prag të luftës.” “Mjafton një aksident për të ndodhur ajo.”
Ai nuk përmendi drejtpërdrejtë Havain as Korenë e Veriut.
Zyrtarët e Vatikanit në aeroplanin papal ua shpërndanë gazetarëve një fotografi të vitit 1945, ku përshkruhej një djalë japonez që mbante vëllain e vdekur në shpinë pas sulmit bërthamor të SHBA në Nagasaki.
“Isha i prekur kur e pashë këtë foto. E vetmja gjë që mund të shtoja ishin fjalët ‘rezultat i luftës'”, tha Papa Françesku.
“Desha të shumëzoj dhe ta ndaj me ju, sepse një foto e tillë arrin të prekë zemrat më shumë se mijëra fjalë”, tha ai.
