Në mesazhin e tij për Pashkë, Papa Françesku përcolli ndjenjat e tij për të gjithë ata që janë prekur nga koronavirusi, “të sëmurë”, “të ndjerë”, dhe familjet e tyre, duke i kërkoi botës që të heshtte armët, të lehtësonte sanksionet dhe të falte borxhet ndaj vendeve të varfra për të luftuar epideminë.
“Bota e prekur nga pandemia, e cila e vë familjen tonë të madhe njerëzore në rrezik të madh, ka nevojeë për shpresë”, tha kreu i botës katolike.
Në mesazhin e tij Urbi et Orbi, Papa Françesku bëri thirrje për lehtësimin e sanksioneve ndërkombëtare dhe për më shumë bujari ndaj vendeve në zhvillim, për t’i ndihmuar në këto kohë të vështira.
“Disa sanksione ndërkombëtare po lehtësohen, pasi ato e bëjnë të vështirë jetën e qytetarëve për vendet në të cilat janë imponuar”, tha Papa Françesku.
“Dhe le të jenë të gjithë kombet në gjendje të plotësojnë nevojat e tyre aktuale më të mëdha duke zvogëluar, dhe ndoshta duke falur, borxhin që rëndon balancën e vlerave të kombeve më të varfra,” shtoi Papa.
Ai gjithashtu iu referua “sfidës epokale” me të cilën përballet Bashkimi Evropian, duke i bërë thirrje që “të mos humbasë mundësinë për të vazhduar të tregojë solidarite. /tesheshi.com/
