Papa Françesku do të shqyrtojë seriozisht mundësinë e një vizite në Korenë e Veriut, por së pari do të duhet të përmbushen disa nga kushte – tha një zyrtar i lartë i Vatikanit.
Një vizitë e tillë do të përfaqësonte një pikë kthese në një vend komunist të njohur për kufizime të rrepta në praktikën e fesë, raporton Reuters.
Do të ishte gjithashtu vizita e parë në një vend që nuk lejon që priftërinjtë të qëndrojnë përgjithmonë.
Papa morri një ftesë nga udhëheqësi i Koresë së Veriut, Kim Jong- të enjten, përcjellë nga presidenti i Koresë së Jugut, Moon Jae-in, në Vatikan.
“Papa shprehu vullnetin e tij. Ne duhet të presim që ftesa të formalizohet”, tha Kardinali Pietro Parolin, Sekretari i Shtetit të Vatikanit.
I pyetur nëse ka kushte për një vizitë që Koreja e Veriut duhet të përmbushë, Parolin tha se “do të nëhet e ditur më vonë, kur merret parasysh seriozisht një vizitë e mundshme”.
“Pastaj do të duhet të mendojmë për kushtet në të cilat do të realizohet kjo vizitë”, tha Parolin.
Në vendin komunist të Azisë së largët, përveç disa vendeve fetare nën kontrollin e rreptë të pushtetit, nuk lejohet asnjë veprimtari e dukshme fetare dhe autoritetet shpesh janë të mbyllura nga misionarët e huaj. /tesheshi.com/
