Papa Françesku është Papa i parë që do të hyjë në Xhaminë e Madhe në Romë, sipas kreut të Komunitetit të Bashkimit Islamik në Itali (UCOII).
Edhe pse Vatikani nuk e ka konfirmuar ende propozimin për të bërë vizitën më 27 janar, Papa Françesku do të presë një delegat nga Xhamia e Madhe e Romës, kur edhe ftesa do të zyrtarizohet.
Vizita në Xhaminë e Madhe, një nga vendet islame më të mëdha të adhurimit jashtë botës arabe, do të pasojë vizitën historike të Papës në Sinagogën e Madhe më 17 janar.
Imami Izzedin Elzir, president i UCOII, ka shpjeguar domethënien e këtij takimi në kuadër të politikës globale.
“Sot është më e nevojshme se kurrë të vëmë theksin dhe t’i japim rëndësi dialogut. Nuk ka dyshim që vizita e Papës do ta ndihmojë këtë proces”, tha ai në një intervistë.
Vizita e Papës në xhami (hera e nëntë që një Papë viziton një shtëpi të besimit islam) do të jetë “një gjest i rëndësishëm që dëshmon dialogun mes besimeve fetare, bisedimet dhe vizitat në vendet e adhurimit të njëri-tjetrit”, ka thënë Elzir.
Imami i bëri jehonë deklaratës së mëparshme të Françeskut, se ata që e përdorin emrin e Perëndisë për të justifikuar vrasjet, “nuk kanë asnjë lidhje me fenë”.
Elzir deklaroi se Papa “nuk bën mirë vetëm n botën kristiane por në të gjithë botën, duke qenë se ai adreson çështjen e dashurisë dhe paqes e përhapjen e saj tek besimtarët dhe jobesimtarët”.
Papa Gjon Pali II ishte Papa i parë që hyri në xhami duke vizituar Xhaminë e Madhe Umayyad në Damask, në vitin 2001, ku u vendosën edhe eshtrat e John Baptist, sipas traditave islame./tesheshi.com/
