Papa Françesku tha të dielën se është e papranueshme që civilët, duke përfshirë fëmijët, të paguajnë çmimin e luftës civile në Siri, e cila tashmë ka hyrë në vitin e gjashtë të saj.
Duke iu drejtuar një turme në sheshin e Shën Pjetrit, pas lutjes tradicionale, Papa foli për betejën e nisur në Halep mes rebelëve dhe mbështetësve të presidentit sirian Beshar Esad. Forcat opozitare, sipas njoftimeve, e kanë çarë rrethimin e forcave qeveritare siriane mbi lagjet e Halepit të kontrolluara nga rebelët, ku, duke iu referuar shifrave të Kombeve të Bashkuara, janë të bllokuar 300.000 njerëz.
“Është e papranueshme që aq shumë njerëz të pafuqishëm, përfshirë fëmijët, të paguajnë çmimin e konfliktit, çmimin e zemrave të mbyllura dhe të mungesës së dëshirës për paqe nga ana e të fuqishmëve,” ka thënë Papa, njofton agjencia e lajmeve Associated Press.
Papa do t’i dënonte dhe në maj luftimet në Halep, ku gjatë sulmeve ajrore u vranë shumë njerëz, mes të cilëve dhe shumë fëmijë. /tesheshi.com/
