Papa Françesku priti në Vatikan presidentin palestinez Mahmoud Abbas, me të cilin bisedoi për procesin e paqes në Lindjen e Mesme.
Papa dhe Abbas diskutuan për “konfliktet që kanë përfshiurë Lindjen e Mesme dhe nevojën urgjente për t’i dhënë prioritet procesit të paqes dhe dialogut, me kontributin e bashkësive fetare, në mënyrë që të shtypen të gjitha format e ekstremizmit dhe fundamentalizmit”, thuhet në një deklaratë të Vatikanit.
Papa dhe lideri palestinez folën për “rrugën e pajtimit brenda popullit palestinez, si dhe përpjekjet për të riaktivizuar procesin e paqes mes izraelitëve dhe palestinezëve, për arritjen e një zgjidhjeje me dy shtete”, thuhet gjithashtu në deklaratë.
Negociatat midis Izraelit dhe palestinezëve janë në pikën e vdekur, pasi Autoritetit Palestinez ndërpreu marrëdhëniet me administratën amerikane, kur presidenti Trump pranoi Jerusalemin si kryeqytetin e Izraelit.
Palestinezët shpresojnë se ky qytet do të jetë kryeqyteti i shtetit të tyre të ardhshëm.
Por palestinezët janë të ndarë dhe në axhendën politike pasi Hamasi mori kontrollin e Rripit të Gazës në vitin 2007, duke lënë pas Fatahun të drejtuar nga Abbasi.
Të gjitha përpjekjet për t’i pajtuar ata, që atëherë dështuan.
Papa dhe Abbas kërkuan po ashtu “restaurimin e angazhimit të komunitetit ndërkombëtar për të respektuar aspiratat legjitime të të dy popujve” dhe theksuan “rëndësinë për të njohur dhe për të ruajtur identitetin dhe vlerën universale” të Jerusalemit, si qytetin e shenjtë të tre feve.
Një orë pas takimit mes Abbas dhe Papa Françeskut, të rinjtë italianë, anëtarë të lëvizjes për paqe “Rondine Citadel della Pace”, shpalosën nevojën për “udhëheqësime me një mentalitet të ri” për të arritur paqen, por pa përmendur emra.
“Lideri që nuk është duke u përpjekur për të shkuar te ‘armiku’, të ulet me të, nuk mund ta çojë popullin e tij drejt paqes”, thanë ata, duke aluduar kështu drejt nevojës që palestinezët të ulen me izraelitët. /tesheshi.com/
