Papa Françesku ka përcjellë mesazhe të forta antikorrupsion gjatë një fjalimi të tij në kryeqytetin kenian, Najrobi.
I ndodhur në zemër të Afrikës, në vendin që është rrjepur si nga korrupsioni ndërkombëtar e si nga ai vendor, kreu i Vatikanit ia kushtoi pikërisht këtij vesi të ulët fjalët e tij të zgjedhura e lapidare:
“Dëgjoni, korrupsioni nuk është një udhëtim bashkëshoqërues i jetës, por një rrugëtim vdekjeje. Edhe në Vatikan ka raste të korrupsionit, sepse ai është diçka që rritet brenda nesh. Mësohemi me të dhe na pëlqen, ashtu si sheqeri; i ëmbël, i shijshëm, por në fund na sjell vdekjen. Ky është rrugëtimi i vdekjes…”, deklaroi kështu kreu i botës katolike. /tesheshi.com/
