Trajnerit të Kombëtares së Shqipërisë Kristian Panuçi, i ka kaluar “inati” me të “padisiplinuarit” Xhaka e Cikalleshi, e i ka grumbulluar lojtarët për sfidat kundër Spanjës dhe Italisë, javën e ardhshme.
Në Kombëtare është rikthyer edhe mesfushori Kaçe, i cili prej kohësh “nuk qarkullonte” në ambjentet kuqezi.
Trajneri italian “ka falur” dhe Xhakën, i cili ishte lënë jashtë përfaqësueses nga De Biazi, por edhe vetë Panuçi.
Për herë të parë në grumbullimin e më të mirëve të Shqipërisë, është thirrur edhe mesfushori i Breshias, Emanuele Ndoj.
Panuçi do të ketë në dispozicion një mbrojtje të plotë, me Ajetin e Xhimshitin që kanë lënë pas dëmtimet.
Kombëtarja e Shqipërisë pretendon një paraqitje dinjitoze në Spanjë e ndoshta pikë me Italinë, në dy paraqitjet e planifikuara të luhen në 6 dhe 9 tetor. /tesheshi.com/
