Trajneri i përfaqsueses shqiptare, Cristian Panuçi, duket se nuk gëlltit lehtë kritikat që iu bënë pas disa humbjeve radhazi në disa miqësore. Kujtojmë se ish-presidenti Nishani shkoi deri atje sa e quajti “sharlatan”, pas humbjes 3-0 me Kosovën. Ndaj, pas fitores me Izraelin, në të parën ndeshje për Ligën e Kombeve, e përmendi kryqëzimin që iu bë, duke sjellë dhe një argument sinjifikativ.
Ju e keni bërë të madhe faktin që kemi humbur 2 ndeshje miqësore, sikur kemi humbur një luftë të madhe. Ju e keni bërë kaq të madhe humbjet në miqësore, sikur humbëm dy finale të Botërorit. Italia pësoi 7 gola në miqësore dhe nuk u mor askush. Kur erdha ishim të katër në grup. Në fund kaluam të tretët”, tha Panuçi pas ndeshjes. Tashmë Panuçi është në provën e radhës: pas tre ditësh në Gllazgou, në përballjen me Skocinë. /tesheshi.com/
