Trajneri italian i Shqipërisë është shprehur i kënaqur me fitoren e kuqezinjve kundër Lihtenshtejnit.
“Lojtarët u treguan seriozë dhe të përqendruar. Ne nuk e patëm të lehtë, sepse vuajtëm ta gjenim golin dhe kjo na tensionoi disi. Megjithatë, skuadra u tregua e zonja dhe jam i kënaqur për rezultatin. Morëm atë që deshëm. Unë kam dëshirë që skuadra të luajë mirë futboll dhe nuk më pëlqen loja me topa të gjatë”, u shpreh italiani pas ndeshjes.
Megjithatë Panuçi nuk ka ndërmend të ndryshojë stil për ndeshjen e ardhshme.
“Kundër Maqedonisë do të ndryshojë diçka. Të shohim se çfarë do të ndryshojmë, por tani duhet të shijojmë këtë fitore”, tha trajneri menjëherë pas ndeshjes”.
Lidhur me ndryshimet në formacion, italiani u shpreh se do ta mbajë sekret edhe për vetë lojtarët.
“Do të jetë gjithmonë kështu, do t’u them lojtarëve 2 orë para ndeshjes. Nuk kam dyshime, por do ua them lojtarëve e pastaj të tjerëve”, tha Panuçi. /tesheshi.com/
