Panikosja e rradhës ndër izraelitë

Një Boeing 737 i linjës ajrore turke AnadoluJet u ngrit nga aeroporti “Ben Gurion” në Izrael me pesë orë vonesë për shkak se pasagjerëve të atyshëm iu dërguan fotografi të rrëzimit të avionit pak para ngritjes së planifikuar, raporton BBC.

Agjencia izraelite e Aviacionit Civil tha se punëtorët e “Ben Gurion” ishin në mes të pozicionimit të avionit më ngritje kur ndodhi incidenti i përmendur. Kapiteni i avionit hoqi dorë nga ngritja sapo e mori vesh, shkruan BBC.

Pasagjerët dhe ekuipazhi u evakuuan menjëherë dhe bagazhet u riekzaminuan. Hetuesit përcaktuan se incidenti ishte vepër e disa të rinjve izraelitë. Të dyshuarit e rinj aktualisht janë duke u marrë në pyetje.

BBC bën me dije se në aeroplan në momentin e incidentit ndodheshin 160 pasagjerë.

Portali i gazetës Ynet shkruan se fotot u shpërndanë përmes aplikacionit AirDrop, aplikacion ky i disponueshëm vetëm në telefonat inteligjentë të Apple dhe i cili u mundëson përdoruesve të dërgojnë skedarë në distanca të shkurtra.

Ynet thekson se pasagjerëve iu dërguan fotografi të rrëzimit të një avioni të Turkish Airlines në Holandë në vitin 2009 dhe një tjetër aksidenti ajror në Shtetet e Bashkuara në 2013.

Pas inspektimit, pasagjerëve iu tha se mund të hipnin në avionin që duhej t’i shkonte në Stamboll ose se mund të qëndronin në Izrael.

Ngjarja vjen dy javë pasi një raketë e pashpërthyer u gjet në aeroport mes bagazheve të një familjeje nga SHBA, të cilën ajo donte ta merrte në shtëpi si kujtim.

Pasi u konstatua se bëhej fjalë për një predhë të pashpërthyer, filloi paniku dhe një person u shtrua në spital pasi u rrëzua mbi një shirit transportues teksa tentoi të arratisej nga avioni.

Izraelitët njihen për njerëz që i kap shpejt paniku, dhe në incidentin më të vogël, nga ankthi i madh i ikjes nga kjo botë. /tesheshi.com/