Facebook evakuoi punonjësit nga katër ndërtesa të saj, me dyshimin se dy nga kolegët e tyre ishin të ekspozuar ndaj një gazit nervor sarin, i cili ishte paketuar në një adresë postare drejtuar selisë së kompanisë në Silicon Valley.
Jon Johnston, një përfaqësues i shërbimit zjarrfikës nga Parku i Menlo, Kaliforni, aty ku ndodhet baza e rrjetit social, tha se punonjësit që ishin të ekspozuar ndaj një pakete të dyshimtë tani për tani nuk tregojnë simptoma, raporton Reuters.
Sipas tij, kompania teston çdo ditë postën për praninë e mundshme të substancave të padëshiruara dhe pasi të jetë zbuluar se një dërgesë është e dyshimtë, është iniciuar një procedurë standarde.
Zëdhënësi Anthony Harrison tha se pas zbulimit të një ngarkese të dyshimtë, katër ndërtesa të Facebook u evakuuan dhe se policia po zhvillon një hetim.
Për momentin, shtoi ai, tre nga katër ndërtesa të evakuuara janë kontrolluar tërësisht dhe një dritë e gjelbër është dhënë për rikthimin e punonjësve. /tesheshi.com/
