Italia është vënë nën alarm pasi aktualisht po rezulton me numrin më të lartë të personave të infektuar me koronavirus. Bëhet fjalë për afro 80 sosh e dy humbje jete.
Autoritetet thuhet se janë në kërkim të “pacientit 0”, i cili ka sjellë virusin në Apenine.
Të shtunën, autoritetet shëndetësore italiane njoftuan se personi i parë i infektuar nga koronavirusi ishte trajtuar në një spital lokal në Lombardi. 38-vjeçari i infektuar nga Codogno ka pasur disa kontakte me një mik të vjetër, një menaxher 28-vjeçar, i cili ka jetuar në Kinë dhe ka qenë duke vizituar Italinë që nga 21 janari. Të dy u takuan së fundmi në 4 shkurt në një bar, dhe 6 ditë më vonë 38-vjeçari vuri re se ai kishte një temperaturë të ulët.
Mbrëmjen e së enjtes mbrëma, pasi u konfirmua infeksioni i 38-vjeçarit, autoritetet vizituan 28-vjeçarin. Ai mund është shfaqur me simptoma të buta e thuhet se po shërohet. Sidoqoftë, analizat e gjakut treguan se nuk është një “pacient 0”, ose më saktë një pacient që e solli sëmundjen në Itali.
“Pra, ne jemi ende në kërkim të ‘pacientit 0’,” tha ministri italian i Shëndetësisë, Pierpaolo Sileri.
Në dhjetë bashki në Lombardi, shkollat dhe shumica e dyqaneve janë mbyllur përkohësisht. Rreth 50,000 banorë inkurajohen të qëndrojnë në shtëpi nëse është e mundur. Ngjarjet e mëdha si shërbimet apo karnavalet janë të ndaluara. Masat për të parandaluar përhapjen e virusit janë përgatitur në Veneto.
Ndërkohë, janë anulluar dhe tre ndëshje të Seria A që do të luheshin në veri, pra në Lombardi. /tesheshi.com/
