Ministrat dhe diplomatët që merrnin pjesë në një panel mbi Ballkanin Perëndimor ranë dakord se Evropa duhet të veprojë më me vendosmëri në këtë zonë përpara se aktorët e tretë si Kina dhe Rusia ta bëjnë këtë.
Të enjten, një ditë para fillimit zyrtar të Konferencës së Sigurisë së Mynihut, paneli “Ballkani Perëndimor në një udhëkryq: Një kthim në integrim apo rivaliteti i fuqive të mëdha?”, u mbajt në kryeqytetin bavarez si pjesë e tubimit.
Debati u zhvillua sipas të ashtuquajturave rregullat e Chatham House, që do të thotë se ajo që u tha mund të transmetohet, por jo kush e tha.
Bashkëbiseduesit ranë dakord se Ballkani sot ndodhet në një udhëkryq dhe se paqëndrueshmëria e kësaj zone ka pasoja në të gjithë sigurinë evropiane.
U theksua se nuk u takon vendeve perëndimore të përcaktojnë të ardhmen e vendeve të Ballkanit, “por të mbështesin aspiratat e tyre”.
“Roli i Evropës është të mos përsërisë “tmerret” e viteve 1990”, u tha në tubim.
“Qytetarët janë të frustruar. Ata janë të frustruar sepse Evropa nuk po i arrin ata dhe ata duhet të largohen nga vendet e tyre,” tha një panelist. /tesheshi.com/
